काठमाडौं,चैत २ – पूर्वयुवराज्ञी हिमानी शाह २०७१ फागुन ६ गते थाइल्यान्डको जेलमा रहेका पति पारसलाई भेट्न गएको भनिए पनि त्यो हल्ला गलत रहेको निर्मल निवास स्रोतले जनाएको छ । हिमानीले पारसलाई भेटेको बारेमा यस्तो हल्ला चलाइएको थियो …..छेवैमा थिइन् स्मिता सिंह । बायाँपट्टि धीरेन्द्रपुत्री सिताष्मा र पछाडिपट्टि फाइल बोकेर उभिएका स्थानीय वकिल साक्छाई । वरिपरि तैनाथ थिए,जेलमा प्रहरी ।
‘सञ्चै होइसिन्छ नि ?’ गहभरि आँसु पार्दै सोधिन् हिमानीे पूर्वयुवराज पारस शाहलाई । लागू औषध कारोबार सेवन गरेको अभियोगमा थाइल्यान्डको उदुकखानी जेलमा सजाय भोगिरहेका पति पारसलाई भेट्न पुगेकी हिमानीसँग पारस बोलन सकेनन् । मात्र हेरिरहे । सिताष्मा भक्कानिएर रुन थालिन् । सिताष्मालाई अँगालेर नियन्त्रण गर्न खोजिन स्मिताले ।केही क्षणको सन्नाटालाई चिर्दै पारसले मलिन स्वरमा सोधे,‘बुबा मामुलाई कस्तो छ ?’ ‘छोरी पुर्णिका,कृतिका र छोरा हृदयन्द्रबारे पनि सञ्चो–बिसञ्चो र पढाइका विषयमा सोधे । करिब आधा घन्टाको भेटमा पारसको सबै जिज्ञासा मेटाइन् हिमानीले ।’ यो पारस हिमानीको कथा एक सय प्रतिशत झुटो रहेको कुरा निर्मल निवास स्रोतले बताएको छ । स्रोतका अनुसार हिमानी अर्कै कामले बैंकक र मलेसिया समेतको भ्रमणमा गएकी थिइन् र उनले पारसका निकट साथीहरुसँग उनका बारे बुझे पनि जेलमा गएर भेटिनन् । स्रोतका अनुसार करिब एक साताको बसाइमा हिमानी मलेसियाको करिब २ दिने आफ्नो निजी भ्रमणमा समेत रहिन् । उनको निजी भ्रमण के हो भन्ने खुलाइएको छैन तर,उनले पारसलाई नभेटेको भने पुष्टि भएको छ । आजको साँघु साप्ताहिकमा खबर छ ।
