यस्ता खानेकुराले बढाउँछ यौन क्षमता

यौनजीवनलाई सुखी र खुसी राख्न महिला–पुरुष दुबैले त्यसको लागि पहल गर्न आवश्यक छ । अझ त्यसमाथि पनि पुरुषहरुले यसको बारेमा विशेष तयारी गर्न आवश्यक छ । आफ्नो वैवाहिक जीवन खुसी र रोमाञ्चक बनाउन कसलाई पो रहर नलाग्ला र ? तर कतिपय अवस्थामा इरेक्टाइल डिस्फंक्सन, घट्दो कामेच्छाजस्ता समस्याहरुले पुरुषहरुलाई ग्रस्त पारेको हुन्छ जसले उनीहरुको आत्मसम्मान र आत्मविश्वासमा समेत ठेस पुर्याएको हुन्छ । तर यसको समाधान छ । यसको लागि पुरुषहरुले आफ्नो खानपिनमा विशेष ध्यान दिन जरुरी छ ।

डेलीमेलमा प्रकाशित एक शोधलाई मान्ने हो भने यौनशक्ति बढाउनका लागि सिफुडको सेवन लाभकारी हुने गर्दछ । उक्त शोधमा ग्रीक कार्डियोलोजिस्ट एथानासियोस एन्जेलिसले आफ्नो अध्ययनको आधारमा यो दाबी गरेका छन् । उनका अनुसरा माछा, सलाद, अलिभ ओइलबाट बनेको भोजन र वाइनको एक ग्लासले पुरुषहरुको यौनशक्ति बढाउनमा सहयोग गर्दछ ।

समुन्द्री भोजनको सेवनबाट रक्त कोशिकाहरु स्वस्थ हुने गर्दछ र शरिरका तल्लो भागमा रक्त संचार तेज हुने उनले दाबी गरेका छन् । समुन्द्री भोजनको सेवनले यौनशक्ति मात्र बढ्ने नभई यो एक एन्टिएजिङ डाइटसमेत भएको डा एन्जेलिसले बताएका छन् । यसको सेवनले मुटु स्वस्थ हुनुका साथै क्यान्सरको खतरा पनि कम हुने उनले जानकारी दिएका छन् ।

यौनशक्ति बढाउनका लागि समुन्द्री भोजनको सेवन बाहेक बदाम, अनारको सेवनमा उनले बल गरेका छन् । उनले हप्तामा एक पटक रेडमीट र वाइनको सानो ग्लासले पनि यौनशक्ति बढाउन सहयोग गर्ने बताएका छन् । समुन्द्री भोजनको सेवनलाई भियग्राको विकल्पको रुपमा मान्न सकिने समेत उनको भनाई छ । डा. एन्जेलिसले आफ्नो अध्ययन भिएनामा युरोपियन असोसिएसन अफ कार्डियोभास्कुलर इमेजिंग सम्मेलनमा पेश गरेका छन् ।